ثلاث سنين من عمري وانا جامـل واقـول بخيـر
وانا اقسم برب البيت ما مـرت وانـا مرتـاح
ثلاث سنين من عمري على عمري صداهن غيـر
وانا اغني مع العالم ضحكنـا والقلـوب صحـاح
اطيّر طيـر لفراحـي ويهجرنـي واطيّـر طيـر
قضت كل الطيور البيض ياوقتي بـدون افـراح
اسايرهـا تعاندنـي اعاندهـا تعـكـس السـيـر
وخفت البحر وامواجه وانـا فـي غبتـه سبـاح
اداري ناس ما تدري وش اللي بالظـروف يصيـر
وانا ماني بناقص عرف / والا راي / والا سلاح
صباح الخير للعالم / واذا غابـوا صبـاح الخيـر
اذا يشبه حضور الناس غيبتهـم بـلاش ايضـاح
دخيلك يالطموح اللي ذبحنـي مـن عنـا التفكيـر
دخيلك لا متى تحـرث خيالـي والتعـب فـلاح
وسمت ضلوعي بطيفك مثل وسـم الرشـا للبيـر
ولا انته حلـم يتحقـق ولا بعـد الحقيقـة بـاح
دخيلك يا اجمل احلامي تسامحني علـى التقصيـر
اذا حدتني ظروفي على صوت " المسافـر راح "
اذا التأخـر شاركنـا مشاعرنـا / علـى التأخيـر
وصار القاتل القاضي وضاعت تهمـة السفـاح
وزادت اسهـم الخيبـة وطاحـت اسهـم التعبيـر
وقسمنا تجارتنا علـى الهامـش بـدون اربـاح
وبانـت بـك ملامـح غيبتـك والجهـد والتأثيـر
ولا لاح الامل يمك / ولا يمـي بصيصـة لاح
وعشنـا ضيقـة تحـرق ولا نملـك لهـا تفسيـر
ولا عندي من الدنيا سوى ذكرى " وخرز مسباح "
طلبتك ياجمل احلامي تسامحنـي علـى التقصيـر
اذا حدتني ظروفي على صوت " المساافـر رااح
"
موضوع: ثلاث سنين من عمري وأنا أجامل وأقول بخير :( 
الإثنين ديسمبر 13, 2010 6:37 am
