يمه ترى مابه من الــــناس غالي

يمه ترى ما به مـن النـاس غالـي

غيرك ترى يمه ولـو كانـت الـروح

انتي غنـات القلـب يـاراس مالـي

لاجاء من الدنيا واهلها ترى شحوح

وانتي براد الـروح وانتـي الظلالـي

وانتي العبير اللي على دربي يفـوح

وانتي لعطش قلبي قـراح و زلالـي

وانتي ابتسامة همي وبلسـم جـروح

وانتي بدر نصـف الشهـر بالليالـي

وانتي لعيوني نظرة ترسـم طمـوح

ما غيرك انسـانٍ بقلبـه صفـا لـي

في دنيتي يمه علـى جـد ومـزوح

يا ما شربتي المـر لرضـاي حالـي

يمه وكنيتي وسـط صـدرك النـوح

ويا ما لقـا قلبـي عظيـم الدلالـي

من قلبك اللي لراحتـي دوم مفتـوح

وياما سهـرت الليـل مرتـاح بالـي

وانتي على حروة رجوعي على سفوح

ياما ويامـا عجـز يوصـف خيالـي

حبك وابي يمـه تقوليـن مسمـوح

لامن رضيتي عنـي يازيـن فالـي

ولامن زعلتي يوم ما شفت مربـوح

حبك يايمه فـرض ربـي ولا لـي

منه بحبك لو خسـر مشعـل الـروح

أنا اشهد

لله درك ودر ذائقتكـِ

الله يحفظ أمهاتنا

كنت هنا : طــاغي النظرة

_